MMC L200 2002-3 árg

[trebor]

Kvöldið.
Er að spá í L 200 annar 2002 og hinn 2003 árg. Eru keyrðir undir 200 þús báðir.

Eru einhverjir þekktir stórir gallar í þessum bílum sem eru að plaga þá. (túrbína, hedd, gírkassi, rafmagn) ? Og hvernig er varahluta framboð og verð á þeim hjá verslunum öðrum en umboðinu? Er ekki að fara að versla við Heklu það er alveg klárt mál..

[DABBI SIG]

Held að það séu engir sérstaklega þekktir gallar í þessum bílum. Auðvitað bara þetta venjulega viðhald eins og annað. 2.5 dísil mótorinn er ótrúlega endingagóður ef vel er farið með hann. Ekki verið að þenja mótorinn kaldann og passa uppá að smyrja vel og fylgjast með hita á mótornum, þ.e. að vatnskassi sé góður og allt vatn haldist á bílnum til að kæla hann og sömuleiðis skipta um frostlög reglulega því annars er tæringarvörnin í frostlögnum ekki nógu góð.
Þessir mótorar eru að endast von og vit ef menn fara þannig vel með þá og svo auðvitað þarf að passa uppá tímareimaskipti. Annars eiga ekki að vera einhver heddvandamál eða annað.
Það er eitthvað um að glóðarkerti verði léleg í þeim en það er aðallega vegna þess að menn eru ekki að kaupa orginal MMC kerti (sem fást bara svo best sem ég veit í HEKLU og kosta augun úr.. 10 þús kall stykkið eða álíka) en ef orginal kertin eru notuð endast þau margfalt á við aftermarket dótið.
Það er einn lítill ókostur við festingu á millikassa við grind en hún virðist alltaf gefa sig í þessum vögnum, en þá er ekkert annað en að fylgjast bara með henni og/eða styrkja hana með betri púða og festingu. Þetta er ekkert sem háir bílnum.

Annars er fátt sem er að angra þessa bíla miðað við aðra og ég get ekki annað en mælt með þessum vögnum!