Hið íslenska jeppaspjall

Ég stofnaði þráð inn á f4x4.is um magnkaup á handstöðvum. Núna eru um 34 stöðvar komnar og enn er hægt að pannta.
http://www.f4x4.is/spjallbord/umraeda/h ... ost-444359

Nú spyr ég kannski kjánalega að einhverra mati en við hvaða aðstæður eru menn helst að nota handstöðvar (geri ráð fyrir að flestir sem eru að panta stöð séu með stöð í bílnum hjá sér).

kv Theodór

ps: finnst þetta flott verð sem er komið á þessar handstöðvar

atte wrote:Nú spyr ég kannski kjánalega að einhverra mati en við hvaða aðstæður eru menn helst að nota handstöðvar (geri ráð fyrir að flestir sem eru að panta stöð séu með stöð í bílnum hjá sér).

kv Theodór

ps: finnst þetta flott verð sem er komið á þessar handstöðvar

Það eru nú ekki allir akandi og eins getur þú þurft að bregða þér úr bílnum og hjálpa öðrum og fl.og fl.

Er einmitt búinn að reyna að sannfæra sjálfan mig um að mig vanti þetta en það er ekki að takast,
sé bara ekki hvenær ég þyrfti að nota handtalstöð, en gaman að fá að vita við hvaða aðstæður menn eru að nota þær,
en í þeim jeppaferðum sem ég hef farið í (mættu vera fleiri) að þá eru nú allir í bílum og þar eru stöðvar.

Veiðar, sjómennska, smalamenskur o.sfr.v.
Á eina svona stöð og mæli hiklaust með henni.

Kannski maður skelli sér á eina bara svona fyrir dótastuðulinn

atte wrote:Er einmitt búinn að reyna að sannfæra sjálfan mig um að mig vanti þetta en það er ekki að takast,
sé bara ekki hvenær ég þyrfti að nota handtalstöð, en gaman að fá að vita við hvaða aðstæður menn eru að nota þær,
en í þeim jeppaferðum sem ég hef farið í (mættu vera fleiri) að þá eru nú allir í bílum og þar eru stöðvar.

Ég er á sama stað og þú, er að reyna að heila sjálfan mig til að finna virkilega ástæðu til að fjárfesta í stöð. Ein stöð er betri en engin og tvær alveg nauðsinlegar :)

villi58 wrote:

atte wrote:Er einmitt búinn að reyna að sannfæra sjálfan mig um að mig vanti þetta en það er ekki að takast,
sé bara ekki hvenær ég þyrfti að nota handtalstöð, en gaman að fá að vita við hvaða aðstæður menn eru að nota þær,
en í þeim jeppaferðum sem ég hef farið í (mættu vera fleiri) að þá eru nú allir í bílum og þar eru stöðvar.

Ég er á sama stað og þú, er að reyna að heila sjálfan mig til að finna virkilega ástæðu til að fjárfesta í stöð. Ein stöð er betri en engin og tvær alveg nauðsinlegar :)

Hehe of mikið er nóg

Gott að hafa hana og mikið öriggi ef að það þarf að ganga á undan bílum í lélegu skyggni, til dæmis.

Náði að sannfæra mig og pantaði 2stk það hlýtur að duga ;)

Eg fekk mer eina handstöð um jólinn.
Gott að grípa hana þegar maður fer í fjallgöngu, smalamensku og þegar farið er á milli bíla
ofl

Svo eru líka dæmi þess að menn kaupi svona stöð til að geta hent í ferðafélaga sem er ekki með nógu háan dótastuðul.
Eða konuna ef maður er svo leiðinlegur að hún þarf að koma á öðrum bíl. Glansinn reyndar farinn af því fyrir hana ef maður kjaftar endalaust í talstöðina á meðan :)

ég nota mína oft, kóarinn hefur þurft að ganga á undan bílnum í slæmum aðstæðum og skyggnum, stundum þarf að ganga töluvert á undan og skoða aðstæður og hvort að mögulegt sé yfir höfuð að fara ákveðna leið , þá þarf kóarinn ekki að ganga aftur til baka heldur getur hann verið í sambandið við mann.

stundum lána ég hana þeim sem eru ekki með stöð í ferðum, eða þegar stöð bilar hjá öðrum, svo er þetta líka bara backup backup stöð hjá mér, er með 2 bílstöðvar
tvisvar lent í því núna að það brotni hjá mér loftnetsfótur , annað skiptið upp á vatnajökli þar sem ég lenti svo í kolvitlausu veðri og hefði ekki gott að vera talstöðva laus
hitt skiptið núna nýlega á leið úr setrinu

ófá skipti sem maður getur nýtt sér svona handstöð

Ég tók þá ákvörðun að vera með handstöð í dokku í bílnum hjá mér, tengda við útiloftnet. Ástæðan er að ég vil geta gripið stöðina með þar sem ég er töluvert að bardúsa frá bíl, ganga á fjöll, klifra ofl. Sama gildir um veiðimenn osfrv.

Einnig fínt fyrir björgunarsveitarmenn að hafa fjarskiptatæki sem er hægt að grípa með í einkabílnum, kemur fyrir annað slagið að menn fá útköll í nágrenni við sína staðsetningu á ferðalögum.

Þessar stöðvar eru náttúrulega aðallega dyrasími milli bíla á ferðalögum hvort sem er og hefur ekki komið að sök hjá mér að vera ekki með bílastöð, dregur prýðilega á útiloftnetinu.

að mínu mati kemur Handstöð á 5w ekki í stað bílstöðvar sem er að senda á 25w , hægt að bjarga sér á handstöð en alls ekki eitthvað sem ég myndi treysta á einungis

Þetta er allt spurning um hvað menn nota þetta í. Þeir sem eru á minni jeppum og eru einungis að fara í stuttar ferðir geta vel látið svona handstöð nægja. Allavega þegar er verið að ferðast margir saman og aðrir í hópnum eru með bílstöðvar.
En það er engin spurning að hún kemur ekkert algjörlega í staðinn fyrir bílstöð.

Mikið rétt, þetta er allt spurning um notkun. Í raun þyrfti maður að vera með gervihnattasíma ef maður ætlaði alltaf að vera í sambandi. Búinn að vera með ýmislegt í bílunum hjá mér, Gufunes, CB, NMT, VHF bílastöð og VHF handstöð. Gufunesið kom oft sterkt inn. NMT kerfið var sérstaklega gott á vélsleðanum, bara rúlla upp á næsta fjall og maður var yfirleitt í sambandi. Gervihnattasíma hef ég bara notað erlendis, nær náttúrulega allsstaðar en ansi pirrandi verkfæri þar sem hann dettur yfirleitt fljótlega út.

En þetta er einn valmöguleiki, hentar mér í augnablikinu, hentar kannski einhverjum en alls ekki öllum. Þetta getur þá skapað meira öryggi fyrir þá sem fara mikið langt frá bílnum.

Björgunarmönnum er amk. miskunnarlaust hent út uppi á reginfjöllum með VHF handstöð að vopni :)

Svo væri líka spurning hvort maður ætti hreinlega að vera með SPOT í bílnum fyrir neyðartilfelli?

Taui wrote:Ég stofnaði þráð inn á f4x4.is um magnkaup á handstöðvum. Núna eru um 34 stöðvar komnar og enn er hægt að pannta.
http://www.f4x4.is/spjallbord/umraeda/h ... ost-444359

Flott að sjá það að ákveðið var að kaupa commercial stöðvar í staðin fyrir að grípa eitthvað kenwood klón á aliexpress.