Breytingaskoðun

[bjsam]

Sælir félagar, hvað þarf ca. að gera fyrir breytingaskoðun á jeppa sem er búið að græja fyrir 36-38" dekk. td kostnaður?.Kv.

[sukkaturbo]

Sæll vigtun og hjólastilling hraðamæla vottorð sem þeir gefa út sjálfir að ég held og svo skoðunargjaldið fer þetta ekki í 50.000 með öllu. kveðja guðni sem á þetta eftir allt saman

[bjsam]

Takk fyrir þetta Guðni,allt kostar þetta stóra aura, en er nokkuð vit annað en að gera þetta þó bíllinn sé orðinn gamall?.Kv.

[JonHrafn]

Það er ekkert hjá því komist svo þetta sé nú löglegt. Í hjólastillingunni þarftu að biðja um Hjólastöðuvottorð sem þú tekur með þér í breytingaskoðunina.

[bjsam]

Takk fyrir ,gott að afla sér uppl. hjá mönnum sem vita svona hluti það sparar mikinn tíma í þessu ferli.Kv.

[bjsam]

Þá kemur önnur spurning um hvar sé hagstætt að láta hjólastilla og fá hraðamælabreytingu og vottorð.? Kv.

[Sævar Örn]

Ég veit að Bílaverkstæði Högna í Hafnarfirði gefur út hjólastöðuvottorð á bíla á allt að 38" dekkjum

Hraðamælavottorð þarftu ekki ef mælirinn er nokkuð réttur, vikmörk eru að mig minnir 6km á 30 og 4km á 60, getur gáð með GPS, ef mælirinn er innan marka þá fer skoðunarmaðurinn og tékkar á því í akstri með hand gps tæki

Vigtunarvottorð þarftu og það þarf að gerast með fullan eldsneytistank og gildir seðillinn í 7 daga frá útgáfu hans ólíkt hjólastöðuvottorðinu

Svo þarftu að vera viss um að ökutækið sé með fulla aðalskoðun, eða tilbúið til aðalskoðunar áður en breytingarskoðun af nokkru tagi fer fram, breytingarskoðun getur farið fram samhliða aðalskoðun ef við á


Svo þarftu í tæki sem skráist sem "Torfæruökutæki" að hafa Slökkvitæki og sjúkrakassa

Í reglugerð um gerð og búnað ökutækja segir svo

24.03 Slökkvitæki.

(1) Slökkvitæki í ökutæki skal vera af viðurkenndri gerð fyrir A, B og C brunaflokka og skal vera komið fyrir í festingum sem því er ætlað.

(2) Á slökkvitæki skulu vera leiðbeiningar á íslensku um notkun þess.

(3) Ef áskilið slökkvitæki er dufttæki skal það vera með innan við ársgamla vottun frá viðurkenndri slökkvitækjaþjónustu um að slökkvitækið sé í lagi. Ef áskilið slökkvitæki er halontæki skal þrýstingsmælir sýna eðlilegan þrýsting.

(4) Áskilið slökkvitæki skal vera merkt skráningarnúmeri bifreiðar.

24.04 Sjúkrakassi.

(1) Innihald áskilins sjúkrakassa skal vera skv. fyrirmælum landlæknis.

(2) Áskilinn sjúkrakassi skal vera merktur skráningarnúmeri bifreiðar.

[emmibe]

Ég fór í Hjólastillingar ehf Hamarshöfða 3 borgaði 11.500 kr með vottorði, en það gilti bara í 14 daga.

[Sævar Örn]

Já rétt er það, hjólastöðuvottorðið gildir 15 daga frá útgáfu

Almennt um útgáfu hjólastöðuvottorða
http://ww2.us.is/content/%C3%BAtg%C3%A1 ... tor%C3%B0a

sjá einnig vottorðið sjálft:
http://ww2.us.is/sw_documents/2691

Aðilar með leyfi til útgáfu vottorða
http://ww2.us.is/sw_documents/681

[bjsam]

Já, þetta er talsvert mál að gera þetta, en ?....

[Stebbi]

Þetta er ekkert mál, hafðu bara bílinn nýlega skoðaðan eða skoðunarhæfan. Fáðu svo hjólastöðuvottorð og vigtunarseðil og farðu í breytingaskoðun. Ef að bíllinn er með aðalskoðun þá kostar þetta bara smá pening og fyrirhöfn.

[thorjon]

Er að fara í þennan pakka í næstu viku en hvar í fjandanum fer ég í þessa ágætu vigtun :) alveg "blanco" þar,,, ætla svo upp á Höfða að láta hjólastilla,, var mælt með þeim af Renniverkstæði Ægis og þá fer maður bara þangað LOL

[Stebbi]

Ferð á vigtina í Hafnarfirði eða vigtina við Vörubílastöðina á Sævarhöfðanum.

[freyr44]

Höfði er ódýrari en Hafnarfjörðurinn.