Hið íslenska jeppaspjall

Er þetta eitthvað sem hægt væri að nota á stóra jeppa sem fá sér sundsprett hérlendis?

http://www.mbl.is/bill/frettir/2013/11/ ... _handafli/

hvernig í veröldinni fóru þeir að því að koma plönkunum undir og skorða þannig að þeir færu ekki undann

Sniðugt hjá þeim, en þeir hafa örugglega verið marga mánuði að útfæra og hanna aðferðina :)

Það væri gaman ef þeir rússar sem maður hefur séð vinna hérna á klakanum hefðu sýnt vott að þessum dugnaði og klókindum

biturk wrote:hvernig í veröldinni fóru þeir að því að koma plönkunum undir og skorða þannig að þeir færu ekki undann

Þverplankinn sér um það, þeir leggja hina tvo uppað bílnum aftanverðum, festa svo þverplankann á hina tvo, leggja svo spottann yfir þverplankann og festa í bílinn. Svo þegar þeir byrja að spila upp, sér átakið milli kaðalsins og þverplankans annarsvegar um að hífa bílinn uppá plankana og hinsvegar að ýta plönkunum lengra undir eftir því sem bíllinn rís að aftan.

Stórsniðugt finnst mér, og plankarnir halda bílnum líka á lofti þannig að hjólin eiga greiðari leið uppá brúnina

Mér finnst spilið þeirra líka alveg æði :)

Það er nú svo sem ekki mikið nýtt í þessu (fyrir utan "spilið" auðvitað :-) miðað við þær aðferðir sem hafa verið notaðar hér til að ná bílum upp úr vök nema þverplankinn og hvernig spilvírinn er látinn fara yfir hann til að halda við bitana, mjög sniðugt. Sé ekki neina ástæðu af hverju þetta ætti ekki að virka á fjallajeppa ef menn ná plönkunum undir hásinguna alveg við dekkin - held að það sé vonlaust að ´hitta´ undir dekkin sjálf .....

Svipuð leið úr Ameríku http://www.mbl.is/bill/frettir/2013/11/ ... tni_vatns/

Bráðsniðugt hjá þeim, sjálfsagt ekki fundið upp á staðnum alveg frá A-Ö, en það er alveg sama. Sveitamannsleg aðferð kannski já en virkilega mikið "betur vinnur vit en strit" dæmi. Aðstæður þar sem takmarkaðar græjur eru til að spila úr kalla einmitt á svona. Þetta minnir svolítið á gamla trixið með traktora sem festust í drullu, að binda staur milli hjóla til að vega þá upp.