Bílstjóraspítt

[jongud]

4 matskeiðar neskaffi eða jafnvel fínmalað venjulegt uppáhellingarkaffi
1 plata vel mjúkt rjómasúkkulaði (vel mjúkt til að milda ramma bragðið af kaffinu)

Bræðið súkkulaðið, hrærið kaffinu samanvið og látið storkna í einnota snafsaglösum.
(Það er líka hægt að búa til passleg mót úr álpappír með því að þrykkja honum ofaní alvöru snafsaglas)
Pakkið inn í álpappír eða smjörpappír og geymið á köldum stað í bílum, (allstaðar í Land-Rover) eða í lítt notuðu ytra hólfi á fjallatöslunni/bakpokanum.

Þetta vekur mann ef maður þarf að vakna um miðja nótt til að bjarga félögunum, eða ef maður þarf koffínskot á síðnæturakstri.

Það er líka hægt að nota litlar sælgætisstengur í tilraunir og þá er skammturinn ca. ein stöng og 1/2 - 1 matskeið kaffi.

[Járni]

Góður. Og svo þarf ég ekkert að sofa!

[olei]

Þessari uppskrift Jóns er tvímælalaust gott að skola niður með Rússnesku Jólaglöggi.
Uppskrift:
8 lítrar vodka
1 rúsína
Sé of mikið ávaxtabragð af glögginu má sleppa rúsínunni.

Að sumarlagi hentar Finnsk sumarsúpa trúlega betur.
Uppskrift:
1 lítri Finnlandia vodka
Borið fram á rósóttum disk.

[Startarinn]

Haha, þið eruð ágætir

[Freyr]

Þetta fyrsta gæti verið sniðugt, þarf að prófa það við tækifæri. Ferðaðist með einum sem mokaði neskaffi í kók í plasti til að "fríska sig upp" eins og hann orðaði það.....