LC120 neitaði að fara í gang

[afjoll]

Ég þvældist um hálendið um helgina og fór í ágætis sull og krapa. Þegar komið var í skála um kvöld lét ég bílinn ganga vel og lengi og hreinsaði allan klaka vel. Um morguninn var -18. Ég snéri lyklinum og sá glóðakertin klára sína vinnu og snéri alla leið, þá heyrist bara 1 klikk og ekkert gerðist. Ég endurtók leikinn og 1 klikk heyrðist. Þá opnaði ég húddið og leit mjög gáfulega á vélina :-) ... enginn snjór, enginn raki, allt þurrt. Sló út höfuðrofanum fyrir spil tengið sem var óvart á (var ekki með spilið á). Þegar ég reyndi síðan að starta þá flaug bílinn í gang.

Hefur einhver lent í þessu með lc120?
Gott að heyra hvað gæti hafa valdið þessu.

[Sævar Örn]

Snerturnar í startaranum gætu verið orðnar lélegar, kosta örfáar krónur og tekur 15 mín að skipta um eftir að startarinn er kominn úr

[Freyr]

Gæti hafa verið frosið í startaranum og sambandið við snerturnar því lélegt (þessar sem Sævar nefnir).

[Tómas Þröstur]

Hef nokkrum sinnum upplifað þetta á köldum morgnum eftir sull daginn áður hjá mér og öðrum bílum líka. Ef enginn svarar ef bankað er þá er oftast nóg að hella heitu vatni á startarann eða velgja á annan hátt
Ég tek yfirleitt með mér aukastartara í lengri ferðum