Hið íslenska jeppaspjall

Sælir félagar

Er hægt að nota hvaða aircondition dælu sem er sem loftdælu í jeppa?

Var bara að spá hvort það væri hægt að fara niðrí vöku og rífa úr hvaða bíl sem er og koma fyrir sem loftdælu.

kv Tolli

Ég hef ekki heyrt til þess einhver dæla gangi alls ekki upp en þær eru misgóðar, fer eftir tegund þjöppunar. Ef þú ætlar að finna dælu í Vöku skaltu reyna að fá úr sem stærstum bíl með öflugt A/C kerfi til að fá sem öflugasta dælu, svo skaltu prófa að snúa henni til að ganga úr skugga um að hún sé ekki úrbrædd, sum A/C kerfi voru ekki með lágþrýstirofa og gat því freonið lekið út af kerfinu og hætt að smyrja dæluna sem seinna bræddi úr sér.

-Bjarni

Er þá einhver sérstök bíltegund sem er með betri dælur en aðrar?

Nei í sjálfu sér ekki, gamlir Ford hafa verið með öflugar dælur en annars er þetta mjög svipað alltsaman og í mörgum tilvikum eru eins dælur í mörgum bíltegundum í sama stærðarflokki. Svo getur líka verið kostur að finna dælu með sjálfvirkum hitaútslætti, ég er með svoleiðis dælu í bílnum hjá mér en hún kom original í Suzuki Sidekick Sport, þú þekkir þær á því að vírinn fyrir kúplinguna er tekinn í gegnum hitaneman (sem er oftast aftast á dælunni) en ekki beint inná kúplinguna, þetta kemur sér vel þegar þú ert að byrja að prófa þig áfram með smurningu og svoleiðis þar sem dælan slær sjálfri sér út ef hún verður of heit.

Það hljómar mjög vel, hlýtur að vera hagstæðara að græja þetta frekar en að kaupa rándýra rafmagnsdælu sem afkastar minna og tekur óþarfa rafmagn

Algjörlega, ég breytti minni dælu fyrir ekki svo löngu, kostaði mig 35.000 kr. í heildina fyrir flott og alveg pottþétt kerfi. Búinn að dæla vel yfir 3000 l. af lofti, bæði í dekk og annan búnað t.d. gúmmíbát, hefur ekki tekið feilspor hingað til fyrir utan nokkra útslætti sökum hita meðan ég var að stilla smurninguna.

ertu að dæla þá inn á kút, hver eru afköstin á dælunni hjá þér, þ.e. hefurðu samanburð af öðrum dælum eins og t.d. fini

Ég er að dæla inná 20l kút, hef engan samanburð en ég tímatók einu sinni þegar ég fyllti gamlan viking björgunarbát. Mörg hundruð lítrar af lofti, vélin í hægagangi, kúturinn fullur (fljótur að tæmast samt) og frekar lág þrýstingur, tók korter að fara frá tómum bát í fullan bát, sem er um 20 psi.

Já, ég myndi nú ætla að það séu nokkuð góð afköst

takk fyrir þetta

kv Tolli

Já ég held það líka, hún er 2 mín að troða 9 bar í 20l kútinn.


-Bjarni

Ég er með aircon dælu úr camry, mig minnir að það sé denso dæla þó ég muni það ekki fyrir víst.
Ég dældi í mín 4 35" dekk og 2 38" dekk hjá félaga mínum meðan hann dældi í hin 2 38" dekkin sín með svaka flottri FINI dælu. Ég var með bílinn á 1500 snúningum.
Mig minnir að þetta hafi verið 20psi frekar en fullpumpað.

Ég reyndi einusinni að massabóna 46" jeppa með loftrokk og lítilli bílskúrspressu, það gekk næstumþví enganveginn fyrr en ég tengdi aircon dæluna mína inná til að hjálpa litlu pressunni og þá gekk loftrokkurinn non-stop. Til að auðvelda verkið skrúfaði ég frá krönunum á dekkjunum (tæmdi dekkin) og var svo 90 sec sléttar með aircon+litlu bílskúrspressunni uppí 20psi með hvert 46" dekk.
Allt á 1500 snúningum.

Ég persónulega skil ekki þesssa hrifningu manna af rafmagnsloftdælum nema þar sem ekki séns er að koma aircon í húddið sökum plássleysis.

Já, þetta er klárlega komið á stefnuskránna hjá mér, var hér í denn með rafmagnsdælur og var voðalega sáttur en einhvern veginn er það meira heillandi að vera með aircon klárt í húddinu og ekkert vesen.

kv Tolli

Ef þú ert með loftlæsingar er ágætt að hafa litla rafmagnsdælu með líka, svo ac dælan sé ekki að koma inn þegar þú ert í botnsnúningi (þ.e. ef loftlagnir leka eitthvað smá og dótið tengt við þrýstiliða). Rafmagnsdælan getur svo verið varadæla ef hin klikkar. Byrjaðu samt á að skoða hversu mikið pláss er í húddinu og mældu hvað dælan má vera stór, þá lendurðu síður í veseni þegar þú ferð að möndla þetta í. Gangi þér vel..

Takk fyrir þessar góðu ráðleggingar

kv Tolli

Ráðlegg þér líka að vera með litla díóðu í mælaborðinu sem segir þér hvort dælan sé í gangi eða ekki, þær eru svo hljóðlátar. Ég er búinn að stúta tveimur aircon dælum þar sem þær voru í gangi hjá mér í lengri tíma án þess að ég tæki eftir því. Í fyrra skiptið var ég ekki með kút og því ekki pressustat til að slá dælunni út og rakst óvart í takkann þegar ég var að keyra langkeyrslu í brjáluðu veðri. Hitt skiptið þá fór loftslanga í sundur alveg við dæluna (aftur í vonskuveðri, en í þetta skiptið á fjöllum) og þar sem kerfið náði aldrei upp þrýstingi þá slóð pressustatið ekki út og hún gekk þangað til að hún hafði brætt úr sér.

Þetta er góður punktur, ég er sjálfur mjög hlynntur því að vera með gaumljós í öllum rofum og það yrði engin breyting á með rofa fyrir aircondition dæluna

Ég er með rofa hjá mér með ljósi og ljósið kemur bara þegar dælan er í gangi, þe pressustatið vill að dælan dæli. Mér finnst ég nánari dælunni minni þannig :)

Það er annað sem menn verða að passa þegar þessar AC dælur eru annarsvegar, og það er að hafa næga smurningu. Litlu smurglösin fyrir loftverkfæri eru ekki nóg!
Best er að hafa stillanlegt smurglas og fylgjast með hitanum á dælunni.

Hvaða olíur eru menn að nota til að halda smurningunni við á svona dælum sem búið er að breyta?

Og endilega ef menn eru með myndir af góðum uppsetningum á svona að pósta þeim inn

Ég er með stillanlegt smurglas hjá mér og er með það stillt á frakar mikla smurningu til að halda dælunni góðri.

Smurglasið sem ég setti loftsíu á og festi svo við vatnskassan.


Hér má svo sjá pressuna sjálfa, inntakið til vinstri og úttakið hægra megin.


Hérna er svo flest hitt, loftið kemur frá pressu í gegnum einstefnuloka, þaðan í pressostatið og inná vatnsskilju, þaðan inná olíuskilju, gegnum þrýstiminnkara og loks út í fittings sem skipta loftinu niður í kútinn, úttakið frammí grilli og svo mæli í mælaborðinu.


Ég læt slá kerfinu út við 9 bar svo ég fékk mér snyrtilegan 0-12 bar mæli í landvélum.



Allt í allt kostaði þetta mig um 35 þús, eitt sem ég á eftir að gera er að færa inntakið ofanaf vatnskassanum framaná hann til að kæla loftið inn aðeins, taka svo lofið útaf dælunni í gegnum koparrörahring framaná vatnskassanum til að kæla loftið útaf pressunni svo að ég nái rakanum og olíunni betur úr loftinu.

-Bjarni

Það var akkúrat svona smurglas sem ég átti við Bjarni, nógu stórt og stillanlegt.

Virkilega flottur frágangur, þarftu að vera mikið að fylgjast með þessu kerfi?

Tollinn wrote:Virkilega flottur frágangur, þarftu að vera mikið að fylgjast með þessu kerfi?

Takk fyrir. Nei það er ekki mikið viðhald á þessu, tékka bara einstöku sinnum stöðuna á smurolíunni :)

-Bjarni

Tollinn wrote:Er þá einhver sérstök bíltegund sem er með betri dælur en aðrar?

Findu þér dælu úr 5 eða 7 línu BMW

setti smurkopp inná sogið hjá mér og gaf henn eitt slag fyrir hverja ferð af þunnri feiti,mynnir að það hafi verið prolong feiti.ekkert vesen.
stútar út úr loftkút efst svo ef einhver feiti slysast með,situr hún eftir í kútnum

En hvert fer svo feitin sem endar í kútnum?

Hun fer ekki neitt.sest i botnin.ef hun a annað borð fer i kutinn.og magnið er svo litið .hef aldrei fengið oliu i lagnir frá kútð