ná brunalykt úr bíl

[runark]

hvað er hægt að gera til að ná brunalykt úr bílnum hjá mer

mbk rúnar

[Freyr]

Kveikti í cherokee sem ég breytti f. mörgum árum, hún fór bara án sérstakra aðgerða. Tók nokkrar vikur, ók bara með rifu á gluggum ef ekki rigndi

[Haffi]

Djúphreinsun og svo er hægt að fá ýmis sprey og drasl til að eyða reykingarlykt.

[Freyr]

Vantaði að ég fjarlægði allt sem hafði brunnið, miðstöðin, hluti rafkerfis, teppabútur o.fl

[Bskati]

það er til lyktareyðir frá wurth sem virkar amk á allskonar ólykt

[Stebbi]

Byrjaðu bara að reykja pípu í bílnum með lokaða glugga, þá ætti brunalyktin að hverfa á nokkrum dögum.

[Izan]

Sæll

Ég myndi hafa uppi á þeim sem eru að hreinsa húsgögn og fleira fyrir tryggingafélögin eftir bruna. ég veit að þeir luma á ýmsum ráðum. Eitt þeirra er að ausa reyk úr ensími eins og er notað til að fela illa útlítandi hljómsveitir á sviði og svo eru fleiri sambærileg efni en þessir kumpánar vita hvað á að nota hvenær.

Gamalt húsráð er að nota dollu með matarsóda minnir mig. Bara hafa dolluna opna í bílnum. Matarsódinn tekur við ólyktinni en ég hef ekki grun um af hverju.

Kv Jón Garðar

[jongud]

Það er hægt að nota matarsóda, sem er basískur, og svo er líka hægt að fara í hina áttina og nota edik sem er sýra.
Hún á allavega að virka vel til að ná fúkkalykt úr bílainnréttingum.
Í báðum tilfellum er um að gera að reyna að hafa yfirborð hreinsiefnisins sem mest, kannski finna gamla ofnskúffu og koma henni fyrir á stað í bílnum þar sem ekki sullast uppúr henni og dreifa matarsóda í botninn (eða setja botnfylli af ediki).

[elli rmr]

Kemí var einhvertíman með græju sem hreinsaði brunalykt tryggingafélöginn borguðu það á sínum tíma þegar kveiknaði í sumarbústað og hvarf lyktin

[smoothie]

Það kviknaði í vörubíl í vinnunni hjá okkur og við tókum sæti og annað og skrúbbuðum þau með Færeying (S1-extra). Fann svona sambland af mildri sápu og sótlykt í nokkra daga en svo hvarf það.

[StefánDal]

Ég var að gera tilraun með bíl sem ég á. Fyrri eigandi átti Husky hund sem fékk að dúsa aftan í bílnum.
Eftir að hafa keyrt bílinn með æluna í hálsinum í tvær vikur komst ég loksins í það í dag að þrífa hann að innan. Þegar ég var búinn að ná hárunum og þrífa hann á hefðbundinn hátt að innan, prufaði ég að úða Cilit Bang með klór (hvítur miði og haus á brúsanum) yfir teppin og sætin. Var ekkert að spara það. Mín kenning er sú að klórinn drepi bakteríuna. Hundalykt í bíl stafar jú af bakteríu.

Þessi aðferð virkar kannski ekki á brunalykt. Þú þarft sennilega einhver efni sem draga í sig óþefinn í stað þess að fela hann eða breyta honum.

[Rangur]

Það er til efni sem heitir Ensím (fæst m.a. í Byko) og þetta er magnað dót, fjarlægir m.a. dýralykt (þ.m.t. merkingarlykt) fljótt og vel. Nota fyrst sem sápu til að þrífa, blanda svo þunnt í úðabrúsa og spreia þar sem er lykt.

kv.

ÞÞ

[StefánDal]

Klór tilraunin mín svínvirkaði á hundalyktina í mínum bíl. Nú angar hann að vísu eins og sundlaug en það er betra en súr hundur :)

[villi58]

Settu kött í bílinn og þá hverfur brunalyktin.