Hið íslenska jeppaspjall

Hvaða brögðum eru menn að beita til að framluktirnar fyllist ekki af vatni ef maður þarf að komast yfir smá poll? Ég er á Ssang Yong Korando og sýnist gúmmíhosurnar utan um perustæðin vera í alveg ágætu standi en samt þarf ég að þurrka vatn og jökulaur innan úr luktunum eftir nánast hverja fjallaferð.

bora lítið gat neðst á botninn?

Ertu með gler eða plast ljós?

Ég lennti í svipuðu vesen á Explorer. Þar var sprunga neðarlega í framljósi úr plasti sem svo fylltist af vatni, ís og drullu.

Málið var snarlega leyst með því að slípa brúnirnar aðeins upp og líma svo yfir með sterku glæru límbandi. Sést ekki nema maður sé að leita að því og enginn raki inn síðan.

Er ekki eina rökrétta lausnin að hækka bílinn meira og setja hann á stærri dekk, koma ljósunum úr vatninu. :)

Þetta eru bara gamaldags kringlótt glerljós með gati fyrir H4 peru og venjulegri gúmmítúttu sem virðist í lagi en þéttir greinilega ekki nógu vel. Þau kosta þó samt um 25 þús. hvort ef ég man rétt. Það hefur hvarflað að mér að prófa einhverja hitaþolna feiti til að setja undir gúmmíið, hefur einhver reynslu af slíku? Eða kannski væri bezt að bakka bara yfir dýpstu árnar . . .

Hafa slökkt á ljósunum þegar þú ert í vatnssulli. Ljósin heit þegar þú keyrir ofaní. Kólna í vatninu og draga inn vatn etc.

l.