Hökt í 4Runner

[ragnarma]

Spyr sá sem ekkert veit. Hvað getur verið að hrella mig þegar 4Runnerinn minn fíni höktir þegar verið er að keyra hann í rólegheitum.

[ulfr]

Þetta vandamál getur komið af ýmsum ástæðum, en ég myndi prófa að kanna hvor inngjafarbarkinn sé orðinn slakur.
Eins furðulega og það hljómar, þá getur of strekktur eða of slakur inngjafabarki valdið svona furðulegu hökti.

[smaris]

Athugaðu hvort EGR ventillinn sé ekki í lagi. Keypti einu sinni bíl sem var með ógang í hægagangi en var fínn í akstri. Þá reyndist toppstykkið á EGR ventlinun ryðgað laust. Þegar stutt var ofan á það kom eðlilegur gangur í bílinn.

Kv. Smári.

[Gunnar00]

athugaðu bensínsíuna, ég lenti einu sinni í því að bíllinn fór að hökta hjá mér í áreinslu en fínn í rólegheitum og það var bara bensínsían sem var orðinn stífluð.

[ragnarma]

Búinn að gera ýmislegt ... en samt ekki sáttur. Er eitthvað sem heitir að hreinsa spíssa?

[veddi.]

Eins og áður segir getur verið svo margt en hvað ertu búinn að útiloka ? Ertu búinn að skipta um bensinsíu , kerti , lok , hamar , kertaþræði og sérstaklega þráðinn frá háspennukefli ? Prufaðu annað kefli. Gott er að skipta um þjéttingar á spíssum ef það hefur aldrei verið gert. Gæti líka verið loftleki. Gat á lögn frá tanki og fl.

[Freyr]

Gæti verið að draga falskt loft. Úðaðu brake cleaner á vacumlagnir, spíssaþéttingar, með soggrein o.s.frv. með hann í hægagangi og athugaðu hvort hann bæti við sig snúning. Ef hann gerir það er hann að draga falskt.

ATH: Passa sig á eldhættunni sem þessu fylgir!!!!!!!!!!

[450-ingvar]

Vacum slöngur gætu verið dottnar af eða sprungnir endar á slöngunum... hefur allavega áhrif á blöndungsbíl..

[ragnarma]

Sennilega var þetta mismundrifið að framan sem er búið að angra mig lengi. Fékk nýtt í vikunni eftir að hitt brotnaði með látum og bíllinn er allt annar.

[ragnarma]

Hver vill sálgreina þetta fyrir mig. Bíllinn búinn að hökta og vera leiðinlegur í marga mánuði þrátt fyrir ýmsar viðgerðir og lagfæringar en lagaðist aldrei neitt. Keypti nokkrum sinnum bætiefni á bensínið. Svo fer hann inn á verkstæði og fær nýtt mismundrif og er alveg hikstalaus á eftir í 2-3 vikur. Minn mjög ánægður. Svo byrjar höktið aftur og fer versnandi. Aftur fer hann inn á verkstæði og þá er settur nýr jafnvægisstangarendi, fjórar öxulhosur og spindilkúla. Núna er hann ekkert búinn að hökta í 4-5 vikur og virkar bare vel. Ég spyr ... veit ekkert. Nú hefði ég haldið að það sem var gert við valdi ekki endileg þessu hökti sem hefur verið að trufla mig. Hvað segja sérfræðingarnir?

[KÁRIMAGG]

vacum slongurnar sem styra oxulholkinum i framdrifinu skoðaðu þær vel eða vacum punginn a drifinu

[Haukur litli]

Startar hann eðlilega, heitur, kaldur og eftir akstur yfir ójöfnur?

[veddi.]

Ertu búinn að útiloka þessi atriði sem ég taldi upp ? Skrýtið að hann skuli lagast í hvert sinn sem hann fer inn á verkstæði.

[Startarinn]

Prófaðu að stífla slönguna fyrir vakúm kútinná bremsunum, minn pendlaði alltaf á snúningshraðanum í hægagangi ef ég steig á premsuna, tel nokkuð víst að kúturinn sé skemmdur

[ragnarma]

Er mikið vesen að skipta um allt þetta vacum dót. Örugglega kominn tími á þetta eins og gengur. Annars er bíllinn búinn að vera fínn frá síðustu viðgerð. Ekkert hökt, hik og önnur leiðindi.

[ragnarma]

Aðgerðarlisti síðasta árs.

Toyota 4Runner árg. 1992 (V6 bensín)
Ekinn 230 þús.
Ný dekk = kr. 130 þús. (31 tomma) (haust 2012)
Ný frambretti = kr. 130 þús. (haust 2012)
Stýrisendi og upphengja = 40 þús. (haust 2012)
Ný tímareim með öllu, vatnsdæla, kerti og nýr vatnskassi = 180 þús. (febrúar 2013)
Nýr hljóðkútur, bensínsía, kveikja og hjólastilling = 70 þús. (mars 2013)
Nýir kertaþræðir, loftflæðiskynjari og kveikjustilling - 60 þús. (maí 2013)
Nýjar hjólalegur, nýtt notað mismunadrif og dittað að - 85 þús. (júlí 2013)
Spindilkúla, jafvnvægisstangarendi og fjórar öxulhosur - 100 þús. (október 2013)

[ragnarma]

Sennilega var þetta EGR ventillinn eftir allt saman. Strákarnir hjá Toyota tóku hann úr sambandi og bíllinn hefur verið til friðs eftir það.

[Svenni30]

Afhverju ertu alltaf að uppa þennan þráð ?? er ekki vandamálið leyst ?

[ragnarma]

Nýtt notað háspennukefli sett í og breytti ekki neinu, skipt um súrefniskynjara í pústi og þá fór kagginn að haga sér nokkuð eðlilega og búinn að gera það í fjórar vikur. Hvað er hægt að gera meira til að fá aðeins meira stuð í þessa blessuðu vél?

[grimur]

Ég myndi ná mér í ca 3" high flow hvarfakút, kostar innan við $100 á ebay. Setja svo súrefnisskynjarann aftan við hann en ekki framan eins og orginal. Svera svo upp allt fyrir aftan. Jafnvel 3", að minnsta kosti 2.5".
Nýjar spíssaþéttingar.
Sjá aðeins til hvað þetta gerir, hann ætti að hætta að ganga eins og á innsoginu eins og þessir mótorar eru látnir gera frá fabrikkunni.
Ég boraði út EGR ventilinn í mínum í staðinn fyrir að gelda hann til að tempra eyðsluna.
Svo má flýta kveikjunni smá, passa bara að fá ekki bank.
Að lokum er hægt að setja MAF skynjara úr Celica Supra í staðinn fyrir original til að opna aðeins inn á hann, en það þarf að stilla hann inn.

[ragnarma]

Takk fyrir þessar pælingar ... hef þetta í huga þegar pústið verður endurnýjað. Hvað með spíssana er það dýr aðgerð?

[Startarinn]

Það sem háir þessari vél mest eru heddin, Kaninn hefur verið að stækka ventlana um 1mm sem gefur eitthvað smá og einnig er boðið uppá að endur renna knastásanna, þá eru knastarnir renndir minni og með aðeins annarri gráðu, en allar þessar breytingar skiluðu samt innan við 30 hö ef ég man rétt.

Það segir svolítið mikið um þennan mótor að mínu mati að það er nánast ekkert hægt að fá af hlutum til að auka aflið í þeim, nema kannski flækjur. Ég skoðaði þetta talsvert fyrir nokkrum árum útaf mínum bíl. Ég er allavega mun sáttari í dag með 2,3 volvo turbó heldur en þessa V6 vél

[ragnarma]

up