Hið íslenska jeppaspjall

Mágur minn er með Dodge Van '88 með 360 mótornum, óbreyttur og lítið ekinn. Hann lenti í því í vikunni að tengja rafgeymi öfugt í honum, þ.e. geymirinn var í hleðslu og hann tók annan geymi en varaði sig ekki á að sá var með pólana öfugt staðsetta miðað við hinn. Það neistað vel þegar hann ætlaði að tengja hann og áttaði sig þá á hvernig var og tengdi rétt, en síðan kemur enginn neisti á kertin. Hvar er helst að leita að biluninni, er einhvert öryggi sem ver tölvuna eða hefur hún stiknað? Það ver ekki svissað á þegar þetta gerðist. Hafið ið einhverjar tillögur um hvað gæti hafa gerst?

svona bílatölva er hönnuð til að þola allann andskotann hvað svona varðar útaf því að það var bannað að setja öryggi á tölvuna, þótti ekki öruggt að ef það kæmi allt í einu há spenna, öryggið færi og bíllinn á ferð...

þótt að eflaust hafi eitthvað brunnið yfir þá fynnst mér ólíklegt að það sé tölvan sjálf, ertu búinn að mæla hvort það komi spenna inn á háspennukeflið?
er allavega það fyrsta sem ég myndi tjékka á, annars þekki ég þessa bíla/mótora ekkert...

Sæll það er líklega ekki tölva í svona gömlum bíl. Gæti verið transistor kveikja. Ahugaðu hvort það kemur plús straumur á háspennukeflið. Svo gæti kveikjuheilinn hafa skemmst en tel það vafamál líklega er farið öryggi sem gefur straum inn á keflið getur prufað að beintengja þetta. kveðja guðni

Það ætti að vera tölva í svona bíl og TBI innspíting.
En það er samt magnetic pickup í kveikjunni sem á það til að gefa sig.

Takk fyrir innleggin og ábendingarnar, kem þessu áleiðis. Það er 4ra hólfa, sennilega Carter, blöndungur á vélinni, mágur minn talaði um tölvu en kannski á hann við transistorkveikjuna.

Ef það er blöndungur á vélinni þá er væntanlega kveikjuheili sem lítur einhvernveginn svona út.


Magnetic pickup í kveikjunni gefur signal til hans og heilinn gefur svo á hefðbundið háspennukefli.
Pickupið í kveikjunnni er eitthvað sem ég hef upplifað verða ónýtt all nokkrum sinnum hjá mér.

Jæja, varla hægt að segja frá því en vandamálið reyndist vera laus kertaþráður, veit ekki nánar um það.