Hið íslenska jeppaspjall

Kvöldið.

Er að rífa hedd af Musso og lendi síðan í því fáránlegu staðreynd að heddboltarnir eru með 9mm 12stjörnu haus. 8mm sexkantur passar í boltann en það er ekki þorandi að taka á honum. Þessi haus/toppur/biti virðist hvergi vera til og spyr því, á einhver góðviljaður Musso eigandi slíkan grip til láns eða veit einhver hvar þetta fæst?

-Garðar

Það er hægt að fá tólfkant toppasett í n1 frá 6mm og uppí 32mm


eflaust hægt að fá staka toppa líka, prufaðu sindra, wurth, verkfæralagerinn, eða fossberg

Ég keypti sett af svona bitum í verkfæralagernum. Ágætis sett, hef skipt um kúplingu, heddpakkningu og margt fleira í gömlum VW og bitarnir eru enn í góðu standi. Ég hef séð eins sett á tveimur smurstöðvum og þau virðast endast. Lítil grá taska með löngum og stuttum torx, tólfkanta og sexkanta bitum og höldurum fyrir 1/2" og 3/8" skröll. Man ekki hvað settið kostaði en það var billegt.

Toppurinn í Musso heitir M 10 eða 12 ég man ekki hvor er í heddinu á musso, og ég fékk minn í Fossberg ef ég man rétt.

Sælir og takk fyrir þetta strákar!
En þetta leysir því miður ekki mitt vandamál. Ég er með sett og í því eru ma M8-M10 topparnir.
Það sem ég þarf er eitthvað sem heitir M9 þar sem að M8 er of lítill en M10 of stór!
Musso workshop manualinn segir að þetta sé eitthvað special tool... væntanlega til að halda Mussoverkstæðunum á floti.
M9 er ekki til í; N1, Fossberg, Benna, Kisstumigfelli, Sindra, Ísól, Verkfærasölunni...
Harmleikurinn heldur því enn áfram.
-Garðar

Sæll

Það eru til sett frá Förch sem innihalda þessa toppa, veit ekki hvort það sé til í stöku. Svo er annað mál að þeir sem voru með Förch umboðið á Smiðjuveginum eru held ég farnir á hausinn, spurning hvort einhver hafi tekið við umboðinu?

Freyr

Ertu búinn að tala við Bílabúð Benna?
Ef þeir eiga þetta ekki til sölu, þá mögulega til láns?

Heddið komið af.
Málið var að ég var með voða fínt tólfstjörnusett, með sexköntum og sexstjörnum líka. Til að upphefja settið enn meira þá stóð meira að segja Quality product á kassanum...
Þegar minn M10 var borinn við annann M10 topp þá munaði tæplega 1mm á þeim! þannig að minn M10 var í rauninni M10,5-11!
Náði mér í beta M10 topp og hann svínvirkaði bara... Djöfull geta ódýr verkfæri pirrað mann!
-G

Voru einhver fleirri sérverkfæri sem þú þurftir önnur en M10 toppurinn?

Þurftir þú að græja afdráttar verkfæri fyrir strekkjarann eða slapp það?

Ég þurti bara að redda mér þessum topp sem ég keypti.

Það sem ég þurti að gera fyrir keðjuhjólið framan á knastásnum var bara rétt að banka létt á það og þá kom það af.
Ég bankaði tvisvar í það, einusinni hvoru megin og þá losnaði upp á því.
Þessi aðgerð er ekki svo flókin ef menn hafa allar uplýsingar sem þarf með sér og gefa sér smá tíma í verkið.

Ég þurti bara að redda mér þessum topp sem ég keypti.

Það sem ég þurti að gera fyrir keðjuhjólið framan á knastásnum var bara rétt að banka létt á það og þá kom það af.
Ég bankaði tvisvar í það, einusinni hvoru megin og þá losnaði upp á því.
Þessi aðgerð er ekki svo flókin ef menn hafa allar uplýsingar sem þarf með sér og gefa sér smá tíma í verkið.