Óhljóð í miðstöðvarmótor - Pajero 1998

[muggur]

Sælir/ar
Þannig er að nú er allt í einu farin að heyrast óhljóð úr miðstöðinni í Pajeronum mínum. Þetta lýsir sér þannig að þegar miðstöðin er á lágri stillingu þá heyrist eins og spaðinn sem blæs loftinu sláist í eitthvað. Þegar svo er sett á fullan blástur hættir hljóðið. Eins þegar slökkt er á miðstöðinni má heyra þetta tik-tik hljóð í 1 til 2 sekúndur meðan spaðinn er að stöðvast.

Nú er spurningin, hvernig kemst ég að viftunni í þessum bíl? Þetta er Pajero 1998 v6 (bensín) langur. Finnst eins og viftan sé einhverstaðar farþegameginn. Er mikið mál að komast að þessu vopnaður stjörnuskrúfjárni?

kv. Muggur

[jeepcj7]

Það er ekkert mál að komast að þessu og staðsetningin er alveg í hægri hliðinni fyrir neðan hanskahólfið að mig minnir 3 skrúfur sem halda mótornum á sínum stað og eitt rafmagnstengi hann er skrúfaður upp í miðstöðina.Mjög líklega laufblað eða eitthvað drasl fyrir spaðanum.

[kjartanbj]

gæti líka bara verið komið slag í leguna í mótornum, þannig spaðarnir rekist í á litlum hraða en ekki á meiri ferðinni

[Dúddi]

ég giska á að það sé ein mýsla í mótornum hjá þér. :)

[sukkaturbo]

Sæll var að lenda í þessu með miðstöðvarmótorinn í Hilux sem ég var að gera upp. Þetta er líklega legu mál reif mótorinn í spað og hreinsaði og smurði en þetta hætti ekki kolatorinn var líka orðinn mjög slitinn og heyrðist í honum líka hjá mér fékk gamlan mótor og allt í goodí. Mundi fá mér annan á partasölu. kveðja guðni

[muggur]

Sælir allir,
Takk fyrir svörin, það reyndist rétt hjá Hrólfi hvað var að hrjá miðstöðina. 1 stk laufblað. Tók það úr skrúfaði dótið saman og miðstöðin blæs betur en áður og eina sem heyrist er notalegur hvinur.

Hér er mynd af sökudólgnum:

ég giska á að það sé ein mýsla í mótornum hjá þér. :)

Svoleiðis gerist bara í Land Rover :-)

[jeepcj7]

Mitsinn er svo góður hann bilar bara ekki.;o)