nissan terrano krafleysi

[grimseyhh]

er með nissan terrano 1998 2,7 td
hann kraftar illa og er lengi uppá snúning, einhverjar hugmyndir hvað gæti verið að hrjá hann ?

[svarti sambo]

Prófaðu að skifta um loftsíu og ef að það dugar ekki. þá er sennilega loftflæðiskynjarinn farinn og hann var ódýrastur í bílanaust síðast þegar ég vissi.

[mikki]

hráoliu siu er lika fin byrjun

[grimseyhh]

takk fyrir þetta en hann kraftar um leið og ég svissa af snögglega í nokkrar mínútur getur þetta verið loftflæði skynjarinn.

[Hfsd037]

Sæll, ég myndi byrja á því að athuga microsíuna í olíuverkinu, hún er ofan á því og vill oft stíflast.

Það þarf að taka stýrisdæluna og forðabúrið frá svo hægt sé að komast að henni, um leið og það er komið frá þá ættirðu að sjá spíssann ofan á olíuverkinu, þú þarft langa framlengingu og 17mm topp í verkið og eftir að þú losar spíssann þá þarftu að veiða gorminn upp úr og undir gorminum er þessi microsía..

[svarti sambo]

sennilega er þetta loftflæðiskynjarinn og hann fer reglulega í þessum bílum. En þar sem að loftinntakið er í eða við innrabrettið, að þá er hann að ausa bleytu og drullu að því og menn eru í tómum vandræðum út af þessu. Ég er með svona bíl 2002 árg. og ég breytti staðsetningunni á loftinntakinu hjá mér strax og ég sá þetta. bíllinn var tveggja ára þegar að loftflæðiskynjarinn fór fyrst og ég var ný búinn að kaupa bílinn, En hann hefur verið til friðs síðan og er enn í fullri notkun, En öll bleyta er ekki holl fyrir loftsýuna, þar sem að þetta er pappasía og hún þéttist við raka og er ódýrari en loftflæðiskynjarinn til að prufa og hún þarf ekkrt að vera svo ljót að sjá en er samt stífluð og hann fær ekki næga olíu ef að hann sveltur á lofti eða skynjarinn ruglar og hann þarf ekki að koma með vélaljósið þó að skynjarinn sé farinn. því að ef að spegillinn er bara fullur af skít, þá skynjar hann ekkert flæði og mér skyldist á sínum tíma að það væri ekki hægt að hreynsa þá. Þú getur líka skoðað sogsíuna í olíuverkinu og hún er fyrir neðan banjó-boltann þar sem að olían kemur inná verkið ef ég man þetta rétt. Þarft að taka banjóboltann úr til að sjá hana og setja svo nýja eyrhringi þegar að þú setur saman aftur. En miðað við bilanalýsinguna hjá þér, að þá held hég að þetta tengist loftflæðinu.

[ellisnorra]

Hvort er zexel rafkerfi eða bosch rafkerfi? Best er að sjá muninn á að bosch er með kringlótt svört plögg beint fyrir ofan olíuverkið en zexel ferköntuð grá.

[grimseyhh]

er ekki viss um rafkerfið verð að skoða það en takk allir fyrir, fer að prófa mig áfram byrja á loftflæðinu og síum.

[ellisnorra]

Tékkaðu á rafkerfinu, ég gæti átt eitthvað handa þér ef þú ert með zexel.

[grimseyhh]

takk fyrir

[olei]

Fyrsta vers er að taka slönguna af EGR ventlinum og prófa bílinn. Það kemur fyrir að segullokarnir sem stjórna honum festast af skít þannig að EGR membran fær stöðugt sog og ventillinn stendur opinn. Ef það gerist þá vinnur græjan mjög illa, er lengi upp á snúning og reykir slatta.

Ég hef ekki fundið neina síu í olíuverkinu á mínum bílum. Báðir með Zexel olíuverk ef ég man rétt.

[ellisnorra]

Ég fann ekki þessa síu í olíuverkinu á mínum gamla, með zexel olíuverkið.

[olei]

Ég fann ekki þessa síu í olíuverkinu á mínum gamla, með zexel olíuverkið.

Nei, það er engin sía í Zexel verkunum, við hefðum örugglega fundið hana ef hún væri til staðar. Ég hef ekki séð Bosch verk úr svona bíl, það eru líklega þau sem eru með umræddri síu.

[grimseyhh]

Þetta er bosch hjá mér. Þá er ég búinn ađ skipta um hráoliusiu og loftsíu en hann er eithvađ enn ađ trubla mig er hægt ađ þrífa loftflæđiskinjarann.Ef ekki hvađ er hann þá ađ kosta.

[ellisnorra]

Hann kostar að mig minnir um 100 þúsund í umboðinu en ef þú skoðar númerin sem eru á þeim sem eru í bílnum hjá þér þá geturu fengið aftermarket skynjara fyrir fimmtung af því á ebay.

[svarti sambo]

Hann kostar á milli 70-80 þús í umboðinu síðast þegar að ég vissi og hann er allavega helmingi ódýrari hjá bílanaust og það er ekki hægt að hreinsa hann. Ég hef reynt það og það virkaði ekki.

[olei]

Þetta er bosch hjá mér. Þá er ég búinn ađ skipta um hráoliusiu og loftsíu en hann er eithvađ enn ađ trubla mig er hægt ađ þrífa loftflæđiskinjarann.Ef ekki hvađ er hann þá ađ kosta.

Útilokaðu EGR dæmið áður en þú ferð að spá í loftflæðiskynjarann.