Úúúúúúúú hljóð í Kia Sorento

[olihelga]

Sælir spekingar. Ég er með Kia Sorento 2004 2,4 bensín og er búin að vera að leita skýringa á svona einhverskonar úúúúú hljóði síðastliðin 2ár. Ég er búin að láta mér detta ýmslegt í hug og skipta út en hljóðið hverfur ekki. Þetta hljómar svolítið eins og leguhljóð en samt ekki og mér finnst ég finna rosalegan fínan víbring í takti við hljóðið í stýrinu hjá mér er samt ekki alveg viss, hljóðið þagnar um leið og ég legg á hann til hægri og þarf ekki mikið til og kemur svo aftur þegar ég rétti af, eins hverfur það þegar ég fer yfir bungur í veginum. Ég er búin að skipta um legu í hægra framhjóli en ekkert breyttist og eftir það kenndi ég lélegum dekkjum um (þau voru orðin frekar léleg hjá mér sérstaklega hægra framhjólið þar sem það lak aðins og því var það talsvert lélegra en hin dekkin á bílnum) keypti ný dekk en allt við það sama hljóðið heldur alltaf áfram. Ég hef prófað að kúpla frá og láta mótorinn flakka upp og niður í snúning til að útiloka að þetta hljóð geti verið honum eða einhverju tengdu honum að kenna ásamt ýmsu sem mér hefur dottið í hug en er að verða talsvert uppiskroppa með hugmyndir. Er einhver sem getur bent mér á eitthvað til að skoða?

Kveðja Óli

[HaffiTopp]

Stýrisdælan?

[olihelga]

Hef ekki mikið vit á þessu en væri ekki eðlilegra að hljóð úr stýrisdælu fylgdu snúning mótors en hraða bíls og eins af hverju ætti hún að þagna bara þegar beigt er til hægri en ekki vinstri? En jú vissulega hvernig er best að skoða svoleiðis?

Kveðja Óli

[sukkaturbo]

Sæll ég hef lent í svipuðu og reyndist það vera lega í afturhjóli. Hél alltaf að þetta væri í upphengju eða framhjóli. Hægt er að fara á verkstæði til að fá þetta greint með einhverskonar hátalarakerfi settur var nemi við hvert hjól og svo var hátalari inn í bíl og hægt að hlusta á einn nema í einu kveðja guðni á sigló

[Aparass]

Ef hljóðið hverfur við að beygja til hægri þá er vinstri legan farin hjá þér. Sýnist sem þú hafir skipt um ranga legu.

[Aparass]

Þú mátt samt eiga það að þetta er frábærlega lifandi og skemtileg lýsing á hljóðinu hjá þér :D

[Svenni30]

Myndi segja hjólalegan vinstra megin

[olihelga]

Get keypt það Guðni en hvaða speki er það að baki? Ég sá fyrir mér hægra framhjól og þegar ég beygi til hægri þá léttist á því hjóli og því gæti hljóð í skemmdri legu þagnað/minnkað en hins vegar þyngist á vinstra hjólinu og því myndi ég halda að ef legan væri skemmd þar myndi hljóðið hækka en ekki hverfa. Ég kem því ekki auga á hugmyndina á bak við vinstri legu með þessa lýsingu og bið þig um að skýra það út fyrir mér.

Og Guðni takk fyrir :)

Kveðja Óli

[Sævar Örn]

rangt því ef þu beygir til hægri þá þyngist á því hjóli.

[Izan]

Sæll

Væri ekki einfaldast að opna inn á legurnar og puðra vel af koppafeiti inn í þær. Ef hljóðið breytist ertu kominn á sporið og aðgerðin er frekar einföld.

Kv Jón Garðar

[HaffiTopp]

Lokuð einnota lega.

[Izan]

eilífar andskotans hindranir!!!

[HaffiTopp]

Satt satt. Einfaldast, ódýrast og fljótlegast að hækka bara í útvarpinu :)

[olihelga]

Það er ekkert til sem heitir að opna inn á legurnar í þessum bíl ég var búin að reyna að segja þér það Jón Garðar :)

Sævar af hverju segir þú það? Ef ég keyri á fullu og legg svo á bíl til hægri til þess að velta honum myndi hann þá velta á hægri hliðina get ekki séð það gerast en þú, í mínum huga myndi hann fara fyrst upp á vinstri hjólin og velta þaðan á vinstri hliðina. Eins og þessi hann er að beygja til hægri fær reyndar aðeins hjálp eftir að hann er byrjaður að beygja fer upp á vinstri hjólin og veltur http://www.youtube.com/watch?v=Rld8VFtcv0o


Kv, Óli

[olihelga]

Hafþór eins og ég sagði í upphafi er þetta búið að vera að plaga mig í rúm 2ár og ég er orðin pínu þreittur á þessum hávaða í útvarpinu :)

Kv, Óli

[olihelga]

Jæja loksins fundið út úr þessu og ég verð að viðurkenna að Svenni hitti á lausnina. Reyndar önnur skýring à hljóðinu en réttur hlutur. Vintri framhjólalega ný núna í byrjun vikunnar og úúúúúú hljóðið þagnað :)

Kv, Óli

[biturk]

ástæðan fyrir því að hljóðið þagnar er af því að þú leggur þunga á leguna þegar þú beigir til hægri og þar með þagnar hljóðið

[olihelga]

Já og nei, þetta er tvöföld lega og þegar ég beigi til hægri færist þunginn á þann hluta legurnnar sem er í lagi en ekki þegar ég beigi til vinstri, málið var að þetta þagnaði líka þegar bíllinn dúaði upp þannig að þetta var kannski ekki bara þungi heldur þungaflutningur ef hægt er að komast þanni að orði um þetta vandamál, en aðalatriðið er að það fannst útúr þessu. Eitt má þó Kian eiga, legan byrjaði að skemmast fyrir allavegana þrem árum og ekki farinn enn sem mér fannst eftirtektarvert.