Hið íslenska jeppaspjall

Hefur einhver tekið 5.2 úr jeep og stroke-að hana? Á eina auka vél í minn Grand Cherokee sem mig langar að taka í gegn, var að spá hvort þetta sé eitthvað sniðugt? Spurning hvort þetta borgi sig eða finna sér frekar hemi á svipaðan pening?

http://www.hughesengines.com/Index/prod ... rtid=25284

http://www.campbellenterprises.com/318- ... r-kits.php

Það er örugglega ekki nóg að kaupa bara stroke-settið. Milliheddið í 5.2 er ekki gert fyrir mikið flæði og ef þú stækkar vélina í 390 þá þarftu helst líka nýtt millihedd, nýjan knastás, nýtt inngjafarspjald (trottle body).
Þegar verið er að stækka rúmtakið í vél þarf nefnilega að horfa á allt loftflæðið í gegnum hana heildstætt frá loftinntaki að enda púströrsins.

Já ég gerði nú ráð fyrir því að gera það líka. Bara forvitinn um hvort einhverjir hafi tekið svona vél og skverað hana hressilega í svona bíl.

Ég er reyndar ekki sammála því að það verði að auka alla fleti þess sem kemur að loftflæði þegar vélar eru stækkaðar. Vissulega þarf þess ef það á að fullnýta þá möguleika sem aukið rúmtak gefur.

Með stærri mótor og aukinni þjöppu munt þú fá meiri tog sem í mínum bókum jafngildir skemmtilegri jeppavél. Þú munt vissilega ekki fá þá hestafla viðbót sem þú gætir fengið með því að fara í CNC portuð álhedd og allan pakkann samhliða stróker. Aukið rúmtak gerir meiri kröfur á loftflæði þegar mótornum er snúið hátt. En á lægri snúning þarf sem við erum nú aðallega að nota þessa jeppa okkar þá eru orginal heddin alveg nóg.

Það má líka alltaf bæta ofan á strókerinn. Annar knastás, önnur hedd eða betri púst er einhvað sem má bæta við án þess að kafa of djúpt í mótorinn þar sem strókerinn er kominn fyrir.

En hvort að það sé einhvað vit í svona breytingu er annað mál. Fyrir svona pening fæst td ágætis LS mótor.

Já, ég er svona að velta fyrir mér hvað ég ætti að gera við þessa vél sem ég á. Mig langar að rebuild-a vélina og þá jafnvel reyna að gera hana eitthvað hressari án þess að eyða mjög miklum pening í hana. Spurning hvort einhverjir mæli með einhverju sérstöku? Volgan ás og millihedd kannski? Jafnvel stærra spjaldhús?

sigfushar wrote:Já, ég er svona að velta fyrir mér hvað ég ætti að gera við þessa vél sem ég á. Mig langar að rebuild-a vélina og þá jafnvel reyna að gera hana eitthvað hressari án þess að eyða mjög miklum pening í hana. Spurning hvort einhverjir mæli með einhverju sérstöku? Volgan ás og millihedd kannski? Jafnvel stærra spjaldhús?

Það er um að gera að lesa og plægja sig í gegnum eins margar prófanir á hressingarhlutum í þessa vél og hægt er. Milliheddið (sem margir kalla bjórkútinn) er hannað fyrir tog á lágum snúningi en ekki mikið afl á hærri. Heddin hafa líka verið til vandræða á þessum vélum (vilja springa). En ef þú veist hvar Google er á netinu þá ættir þú að geta fundið helling af prófunum á hlutum í þessar vélar.