Hið íslenska jeppaspjall

Um er að ræða Grand Cherokee árg. 1994 4L sexa. Hefur gengið eins og engill og allt í fína. Var í bíltúr í dag í góða veðrinu og eftir eitt nestisstoppið átti að setja í gang og keyra meira. Bíllinn fer í gang eins og venjulega, gengur í 3 - 4 sekúndur og deyr síðan eins og drepið hafi verið á. Neitar síðan að fara í gang. Fær bensín en enginn neisti virðist koma á kertin. Öll öryggi (frammi í húddi og inni í bíl) virðast vera í lagi. Þegar svissað er á koma öll ljós sem eiga að koma í mælaborðið.
Getur einhver ausið úr viskubrunnum og komið með hugmyndir hvað gæti verið að svo hægt sé að keyra meira.

mér dettur helst í hug kveikjuhamarinn. lenti í þessu á ram sem ég átti. var bara að keyra og svo dó bílinn, þá hafði snertan á hamrinum losnað af. svo er háspennukeflið náttúrulega möguleiki líka.

svo gæti þetta líka verið sveifarás skynjarinn eða snúran að honum.

Getur eitthvað hafa klikkað sem gæti hafa triggerað þjófavörnina?
Þetta lyktar alveg agalega af vandamáli með þjófavörn. Googlaðu þig til um cherokee imobiliser bypass. Í fljótheitum fann ég þetta svar hér http://uk.answers.yahoo.com/question/in ... 349AAorBwm

Ég lenti í svipuðu vandamáli þegar ég var að setja svona mótor í willys. Startar eðlilega, gengur í örfáar sec (2-4 minnir mig) og deyr svo eins og svissað sé af. Aftur og aftur.

Bíllinn tekur ekkert við sér í starti núna. Veit ekki hvað gæti hafa komið þjófavörn í gang.
Datt einmitt í hug eitthvað í kveikjunni eða háspennukefli. Á ekki að koma stöðugur straumur frá háspennukeflinu þegar svissað er á? Við fljótheitaprófanir í dag virtist enginn straumur koma frá keflinu niður í kveikjuna.