3.0 lítra Isuzu vélin í Trooper: vonlaus eða góð?


Höfundur þráðar
Hawk
Innlegg: 16
Skráður: 12.sep 2013, 09:02
Fullt nafn: Haukur Gunnarsson

3.0 lítra Isuzu vélin í Trooper: vonlaus eða góð?

Postfrá Hawk » 05.sep 2016, 16:09

Góðan daginn Trooper menn og konur.

Við erum tveir félagar sem höfum verið að ræða kosti og galla á ýmsum vélum.
Við erum mjög forvitnir að heyra frá einhverjum sem hefur komist upp á lag með að eiga og reka 3.0 lítra Isuzu Troopervélina án mikilla vandræða.
Maður hefur heyrt svo margt slæmt um þessar vélar en þær eru léttar og kraftmiklar með ágætis tog og svo er nóg til af þeim.

Allar vélar geta bilað, en ef maður sinnir reglulegu og fyrirbyggjandi viðhaldi, er mögulega hægt að vonast til að þær gangi vandræðalítið?

Hvaða verkstæði eru best í viðgerðum á þessum vélum og hverjir hafa góða reynslu í að bilanagreina og gera við þessar vélar? Og ekki síst, hverjir vita hvað þarf að gera til að halda þeim í stuði.

Með von um upplýsandi umræðu.

Kveðja

Haukur




Offari
Innlegg: 200
Skráður: 16.des 2010, 12:06
Fullt nafn: Starri Hjartarson

Re: 3.0 lítra Isuzu vélin í Trooper: vonlaus eða góð?

Postfrá Offari » 05.sep 2016, 16:27

Þessi vél gengur hjá sumum en gengur ekki hjá öðrum, Veikindin í þeim eru farin að þekkjast betur svo það ætti að vera hægt að halda þeim gangandi með réttu viðhaldi.

User avatar

hobo
Póststjóri
Innlegg: 2490
Skráður: 31.jan 2010, 17:44
Fullt nafn: Hörður Bjarnason
Bíltegund: 1988 Ford Econoline

Re: 3.0 lítra Isuzu vélin í Trooper: vonlaus eða góð?

Postfrá hobo » 05.sep 2016, 20:27

Vonlaus eða góð? Bæði verð ég að segja.
Góð varðandi kraft og eyðslu en vonlaus að því leyti hvað hún er óáreiðanleg.
Ég er búinn að eiga minn í þrjú og hálft ár áfallalaust en er samt alltaf með það í maganum að hún getur tekið upp á því að drepa á sér á versta stað, t.d á miðjum gatnamótum á háannatíma eða það sem verra er, á fjöllum.
Það sem þessar vélar þurfa er stöðugt eftirlit með smurolíu og kælivatni, jú og endurnýja þetta tvennt líka á réttum tíma.
Svo væri fyrirbyggjandi viðhald eitthvað sem þær mættu lifa við í fullkomnum heimi, eins og að skipta út skynjurum á x ára fresti, spíssalúmi, þéttingum við spíssa og spíssaslífar og örugglega mörgu öðru.
Ekki hægt að mæla með þessarri vél nema menn hafi gaman og getu til að stússast í þeim.


Höfundur þráðar
Hawk
Innlegg: 16
Skráður: 12.sep 2013, 09:02
Fullt nafn: Haukur Gunnarsson

Re: 3.0 lítra Isuzu vélin í Trooper: vonlaus eða góð?

Postfrá Hawk » 05.sep 2016, 21:49

Takk fyrir þetta innlegg. Þannig að það er líklega vafasamt að setja þessa vél í jeppa sem er fyrst og fremst ætlaður í fjallaferðir.

User avatar

hobo
Póststjóri
Innlegg: 2490
Skráður: 31.jan 2010, 17:44
Fullt nafn: Hörður Bjarnason
Bíltegund: 1988 Ford Econoline

Re: 3.0 lítra Isuzu vélin í Trooper: vonlaus eða góð?

Postfrá hobo » 05.sep 2016, 22:18

Einfaldleikinn er alltaf bestur í fjallajeppa, en vel þjónustuð 3.0ltr vél er ekki það versta sem manni dettur í hug í fjallajeppa.


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: 3.0 lítra Isuzu vélin í Trooper: vonlaus eða góð?

Postfrá olei » 06.sep 2016, 00:01

Þekki harðsnúinn vélvirkja sem fékk nóg af streði við að þétta spíssaslífar og eitthvað fleira vesen kringum hedd í svona maskínu. Hann
skrúfaði þetta upp úr Troopernum sínum og setti eldri 3.1 úr pickup í staðinn. Alsæll með þá breytingu.

Segir kannski ekki margt annað en að þessar vélar geta boðið upp á veisluborð af vandræðum. Auðvitað er þetta misjafnt samt.


Til baka á “Isuzu”

Tengdir notendur

Notendur á þessu spjallborði: Engir skráðir notendur og 9 gestir