Hið íslenska jeppaspjall

Sælir Trooper-félagar. Ég er með einn 2000 mód. rosa fínt eintak á 35tomma blöðrum.
En í mótvindi á svona 90-100 km hraða þá fer að ýla og flauta í miðstöðvarinntaki? grunar mig. Hefur einhver heyrt um þetta og hvernig hægt er að losna við þennan bölv... hávaða, því hann er nokkuð mikill!

Ég man ekki eftir slíku flauti þau fáu skipti sem ég hef farið á þennan hraða.
Þetta er alveg óþolandi svona væl, á hiluxinum mínum gamla kom svaka hávaði í kring um bílstjóraspegilinn í miklum hliðarvindi ef hann lenti vinstra megin á bílnum.

Er þetta ekki að koma þegar vindur kemst á milli gúmmípakningar og fals eða hvað sem gúmmípakkning leggst að og fer að víbra. Hef prufað í bíl sem vældi svona í á áhveðnum hraða eða miklum vindi að setja eitthvað á milli og loka og prufa mig svona áfram þangað til að þetta hætti. Má notast við gúmmípjötlu, teppabút, bóluplast eða eitthvað sem er við hendina og troða á milli þar sem maður heldur að háfaðinn kemur.

Já, takk fyrir ábendingarnar félagar, en hljóðið kemur ákveðið útúr loftstokkinum efst í miðju mælaborðsins, þar sem eru þrír miðstöðvarstútar, en spurning hvort þetta er hreinlega að koma inní loftinntakið í húddinu???

Þú ert væntalega búinn að fikta í öllum stillingum á miðstöðinni? Stilla á inniloftið og svoleiðis.
Annars er það bara að rífa þurrkuarmana af og hlífina og skoða :)

Jú, jú búinn að því! Líklega best að gera það!

Ertu nokkuð svona plast vindhlíf fremst á húddinu?

Ég veit um einn sem var að verða vitlaus af svona væli í bílnum sínum, hann var búinn að láta skipta um framrúðu, kítta allt sem honum datt í hug í kringum rúðuna og velta þessu fram og til baka fyrir sér, ýta og tosa í allan fjandann í barningi við þetta.
Svo einn daginn tók hann eftir að plast draslið fremst á húddinu titraði eitthvað, reif það af og ýlfrið hætti alveg um leið.

Neibb! ekkert soleiðis drasl. Það var svona hlíf framan á honum og var brotin, löngu búinn að henda henni! En takk fyrir ábendinguna Haffi!