Hið íslenska jeppaspjall

Hvað ætli sé óhætt að láta túrbínu blása mikið í 3.1D vélinni með intercooler, það er nýbúið að skipta um heddpakkningu og ventlastilla?

orginal er það 11 psi..ég fer í 13 psi á mínum bíl(3.1td)ætla að auka það í 15-16 seinna..en þú græðir lítið á því að láta blása meira en 11 psi nema auka olíumagnið um leið.
kv hlynur

Ég er búinn að auka við olíuna, það er einhver stífleiki í wastegatelokanum, það er eins og hann virki ekki og ef ég stend bílinnnn flatan þá sýnir boostmælirinn 20psi. Er það ekki of mikið?

Það er helst til mikið jú. Þetta dót fer að puða of mikið og missir afl á því að keyra á of miklu boosti nema með stærri intercooler, bínan stækkuð, bætt í olíu og svo framvegis. 15-18psi er sennilega nærri því sem svona mótor getur nýtt vel.
Athugaðu arminn milli membru og loka, það halda sumir að það sé hægt að stilla boost með því að stytta/lengja í þessum armi, sem er ekki nema að litlum hluta rétt. Oft hættir þessi búnaður bara alveg að virka við þannig æfingar þar sem þetta er stillt til þannig að lokinn opnar lítið sem ekkert. Kannski fiktaði einhver í þessu á líffæragjafanum.

Off-topic en skylt:
Það rétta í svona er að fá membru með annan opnunarþrýsting, eða loftregli sem lækkar þrystinginn sem membran sér. Þannig er hægt að láta wastegate-ið vinna rétt við annan þrýsting en upphaflega. Ég hef mixað svoleiðis með 2 loftkrönum og T-i, og látið blæða membru-megin útaf til að fá þrýstifall. Virkar oftast fínt.
Önnur mýta er að það sé hægt að fella þrýstinginn að wastegate membrunni með lengri slöngu. Það virkar augljóslega ekki baun nema kannski í sekúndubrot við inngjöf, og svo ef membran lekur, þá virkar þessi lengri slanga sem tregða og lekinn í membrunni sem bleeder....frekar erfitt að fá þannig til að vinna skikkanlega geri ég ráð fyrir.

Flottur 4Runner annars Finnur, hinn snyrtilegasti bíll. Til lukku með hann!

kv
Grimur

Takk fyrir það Grímur. Það er eins og lokinn í túrbínunni sé stífur, sennilega vegna þess að bíllinn sem ég reif vélina úr var búinn að standa í einhvern tíma, wastegate membran virðist vera liðug.

Það er nákvæmlega það sama hjá mér. Lokinn í túrbínuni er fastur. Hef ekki mælt þrýstinginn en grunar að hann sé frekar hár.
Ég ætla hinsvegar ekki að hafa miklar áhyggjur af þessu (enda á töluvert ómerkilegri bíl en þú ;) ). Olíuverkið bætir sjálft við sig við hærri þrýsting, ekkert fuelcut hjá mér allavegana. Reykir meira að segja við botngjöf. Ég ætla að setja stóran intercooler í grillið og skella afgashita mæli í bílinn.

Jæja komst í mæli. Hann sýnir 15psi á hármarksafköstum og hækkar ekki ögn þó ég blindi lögnina frá túrbínu í wastegate membruna. Þýðir það að wastegate-ið sé fast lokað hjá mér? Ætti þrýstingurinn ekki að vera hærri?

gæti verið fastur bara örlítið opinn

Er einhver séns að liða upp á þessu með olíu?