Stóra uppfærslan 24. maí

[Járni]

Sælir, takk fyrir að láta heyra í ykkur. Eru fleiri á sama máli?

Við erum vissulega búnir að velta þessu fyrir okkur en ákváðum að lenda þessu svona í bili vegna þess að það er engin tilbúin lausn í boði.
En við gefum í að leysa þetta ef það er almenn óánægja með þetta.

[svarti sambo]

Ég verð að taka undir það, með gömlu útfærsluna á forsíðu. Ég kann betur við gömlu útfærsluna af forsíðu, þó svo að maður sé búinn að venjast þessu viðmóti. En er ekki hægt að vera með gamla viðmótið í nýju útfærslunni.

[Startarinn]

Já ég kunni mun betur við þegar spjall og auglýsingar voru aðskildar.

Persónulega fór ég aldrei inn á hvert spjallborð fyrir sig nema ég leitaði að einhverju sérstöku, annars notaði ég alltaf stikuna hægra megin sem sýndi nýjustu póstana

[Járni]

Það er ljóst að við þurfum að bæta þetta eitthvað!

Elías: Þrátt fyrir að það virðast ekki hafa verið það miklar breytingar á síðunni, þá breyttist grunnkerfið töluvert sem þýðir að við gátum ekki haldið áfram með þær sérútfærslur sem við höfðum gert á eldri síðunni. En breytingarnar þýða að vonandi getum við haldið nýju breytingunum okkar og uppfært kerfið í framtíðinni.

Við kíkjum á þetta og að venju lofum við mjög hægvirkum vinnubrögðum :P

En ég vil lika benda á "Valmynd"-ina sem er þarna ofarlega til vinstri, ef ske kynni að það hefði farið fram hjá einhverjum. Líkt og Ástmar nefnir hér að ofan, þá fer ég líka sjaldnast inn á hvern flokk heldur nota ég "Ólesna pósta", "Nýir póstar" eða "Virkar umræður" til að fylgjast með.

http://www.jeppaspjall.is/search.php?search_id=unreadposts nota ég sem bókamerki.

[Baikal]

Sælir.
Verð að vera sammála því að gamla síðan var skemmtilegri ég er nánast hættur að nenna að lesa þetta spjall því eins og akkúrat núna þá er einn aðili búinn að fylla efstagluggan með uppfærslu á bílskúrssölunni sinni og áhugaverðar umræður horfnar inn í undirflokkana. Og ég hreynlega nenni ekki að leita þær uppi þar, þetta á eftir að deyja hægt og rólega eins og öll hin spjallborðin sem maður var/er á og eru dauð eða deyjandi.
kv.
JK

[Polarbear]

það er óþarfi að vera svona Bjartsýnn Baikal :)

mér finnst best að nota "ólesnir póstar" fídusinn, en sakna þó aðskilnaðarins milli auglýsinga og spjallþráða á hægristikuni eins og fleiri. það var alveg sérlega notalegur fítus.

[svarti sambo]

Ég er svo sem sammála því að gamla útfærslan var skemmtilegri, en til þess að láta þessar endalausu auglýsingar vera að þvælast fyrir mér, þá fer ég bara beint í almennt spjall dálkinn og jeppinn minn. Ef að ég er svo að leita að einhverju sérstöku, þá fer maður bara í viðkomandi dálk, og sleppir því bara að fletta ólesin innlegg. Maður verður bara að sýna smá þolimæði, á meðan að það er verið að betrumbæta þetta, en ekki gefast strax upp og fara í fýlu.

[Baikal]

Nahhh.
Er bara að æfa mig fyrir keppni í bölsýniskasti án atrennu utanhúss sem verður haldinn á Landsmóti 50+ á Blönduósi um helgina.
Það er bara þannig að þegar maður er orðinn góðu vanur, þá eru breytingar ekki alltaf til bóta eins og dæminn sanna á 4x4 síðunni, sem er algjörlega dáinn drotni sínum eftir ótal mis slæmar uppfærslur.
kv.
JK

[Startarinn]

Er bara að æfa mig fyrir keppni í bölsýniskasti án atrennu utanhúss sem verður haldinn á Landsmóti 50+ á Blönduósi um helgina.

BWAHAHAHAHA

[Ragnare]

Ég fer alltaf beint inn á virkar umræður þegar ég fer inn á þetta spjall með því að klikka á jeppapjall

Jeppaspjall.JPG (20.35 KiB) Viewed 29341 time

Þannig get ég notið alls hins skemmtilega sem rætt erum hér á síðunni.

[svarti sambo]

Notenda leitin er öll á ensku.

[Járni]

Það er rétt! Takk, ég snara þessu yfir á hið ylhýra við tækifæri!

[svarti sambo]

Einhver enska hér.

PM:Send private message USER STATISTICS
Skráður:25.jan 2015, 19:37
Síðast tengdur:35 mínútum síðan
Fjöldi innleggja:19 | Search user’s posts
(0.01% af öllum innleggjum / 0.11 innlegg á dag)

[ellisnorra]

Eitt sem ég sakna sárt, þegar maður fær einkapóst þá fær maður email til að láta mann vita. Ég fæ póstinn í símann og fæ skilaboðin um leið. Áður þá fékk maður skilaboðin í tölvupósti, þe það sem viðkomandi sendandi skrifaði. Nú fær maður bara að vita að maður eigi skilaboð og engar nohæfar upplýsingar í viðbót.
Þetta er svosem ekki stórmál, nema að tvennu leiti. Síminn minn tekur sér alveg tíma í að opna vefsíður og þegar ég logga mig inn þá "þarf" ég að lesa alla nýja pósat því annars núllast "nýjir póstar" fídusinn. Ég vill fylgjast með öllu, bæði til að vita hvað er að gerast og sem póststjóri.
Drengir mínir, er ekki hægt að fá skilaboðin í tölvupósti eins og var? :)

[Járni]

Þýddi slatta af línum í viðbót, endilega látið vita ef þið rekið augun í fleiri atriði.

Elli: Já, ég er sammála, þetta er komið á verkefnalistann.

[Polarbear]

er ég orðinn ruglaður eða er ýmislegt góðgæti horfið úr "Valmynd" takkanum, m.a. -Ólesnir póstar- sem ég notaði mikið (veit að það er á forsíðu líka en vill fá fleiri þræði en skitna skjáfylli í einu).

[Polarbear]

er ég orðinn ruglaður eða er ýmislegt góðgæti horfið úr "Valmynd" takkanum, m.a. -Ólesnir póstar- sem ég notaði mikið (veit að það er á forsíðu líka en vill fá fleiri þræði en skitna skjáfylli í einu).

það kom í ljós að ég -er- ruglaður... :) virtist ekki vera nægilega vel loggaður inn, þetta er allt komið í ljós núna.

[Járni]

Flott, gott að vera ruglaður annað veifið! Flest góðgæti og fleira til er til staðar, en færðist mögulega á nýja staði.

[Járni]

Talandi um netta ruglu, þá lokaði ég fyrir "Hafa samband" möguleikann hér neðst á síðunni. Alveg ótrúlega algengt að fólk misskilji þetta og noti til að svara þráðum... :)

[ellisnorra]

Svo eru takkarnir hér fyrir neðan, "Fullbúinn ritill & Forskoða" og "Staðfesta" svolítið asnalegir. Sérstaklega "Staðfesta" gaurinn. Þar ætti að standa til dæmis "Skrá innlegg" eða "Senda innlegg á spjallborðið" eða eitthvað slíkt.

[Járni]

Roger dodger! Endilega koma með allt svona sem þið finnið. Lofa að laga það ekki í kvöld, en bráðum! :-)

[grimur]

Þetta er kannski eitthvað vesen á Android, en viðmótið dettur hálf út þegar ég fer inn á þræði, ekki alltaf samt, mjög random. Það er eins og forritið sem leggur viðmótið ofan á gögnin sé ekki alltaf að virka rett, samt kemur nóg til að t.d. setja inn þetta innlegg.
Kv
Grímur

[Járni]

Sæll Grímur, þetta sama er að gerast hjá mér, á Android síma. Við erum ekki búnir að staðfesta orsökina.
Eru fleiri að lenda í þessu og eingöngu á Android?

[ellisnorra]

Þetta er hjá mér í tölvunni líka, dettur út öll grafík. Stundum, stundum ekki. Spjallið er nánast ónothæft svona samt.
Er með Google Chrome Version 44.0.2403.125 m

[Baikal]

Sælir.
Er að lenda í þessu líka á pc. win 8, Firefox 39.0 og líka í IE 11. Verra á Firefox virkar alls ekki og sjaldan á IE er fyrst að komast inn núna í nokkra daga og þá á IE

[biturk]

Ég er að lenda í þessublíka, þetta er verra ef maðir er ekki innskráður sem notandi

[Svenni30]

Sama hér. Bæði í símanum og tölvunni. Búið að vera svona í nokkra daga!

[jeepcj7]

Það er alveg sama hvort er tölva eða sími allt í steik.

[Þorsteinn]

Gerist líka í iphone

[Gunni93]

Er líka í vandræðum með þetta í android hef ekki prufað pc

[svarti sambo]

Síðan er alveg í skralli, bæði í android og í windows 8.1 og chrome. Vona að þetta komist í lag sem fyrst. :-(

[Svenni30]

Það er allt í skralli og varla hægt að nota síðuna, Maður er hálf vængbrotinn þegar þetta er svona :)

[Rodeo]

Makkar ekki einu sinni rétt á Mac. Þessi þráður birtist rétt en síðan almennt búin að vera meira og minna í skralli seinustu daga.

[Svenni30]

Vill alls alls ekki vera neikvæður en mér finnst spjallið vera á niður leið eftir þessa uppfærslu, því miður

[jongud]

Það er hægt að bjarga miklu með því að ýta á "prenthæft útlit" og þá verður viðkomandi síða læsileg.
En þetta er leiðinda böggur á síðunni.

[svarti sambo]

Fyrir mína parta, þá finnst mér síðan alveg vera ónothæf, sem stendur og ég verð bara pirraður, þegar að ég fer inná hana.

Ein spurning:
Er ekki bara einhver vírus hjá hýsingar aðilanum, sem er að valda þessu rugli.

[Járni]

Sælir, þetta er eitthvað tímabundið vandamál. Við eru mikið allir í ferðalagi sem stendur en höfum verið í sambandi við hýðingaraðilann ásamt því að skoða málið okkar megin. Lausnin er ekki fundin.

Mér þykir leitt að þetta sé svona en þetta verður lagað, vonandi sem fyrst.

[svarti sambo]

höfum verið í sambandi við hýðingaraðilann

Og ætlar hýðingaraðilinn að hýða hýsingaraðilann. :-)

[Járni]

Haha, mjög gott. Ég er blússandi smámæltur á netinu!

[gislisveri]

höfum verið í sambandi við hýðingaraðilann

Og ætlar hýðingaraðilinn að hýða hýsingaraðilann. :-)

Haha, góður.

Mér skilst að þetta hafi ekki með uppfærsluna að gera.
En við höldum uppi þrýstingi á kauða, þetta hlýtur að fara að lagast.
Takk fyrir þolinmæðina.
Kv frá Egilsstöðum
Gísli